Поларниот вртлог силно ќе не удри, објави на својата официјална страница метео прогнозерот Славчо Попоски.
-Зимски ладен продор со многу дожд, снег и голема снежна покривка (над 50/60 сантиметри на планините) минусни температури, појава на мраз и силен северен ветер кој доаѓа од втори октомври во нашата Македонија не е забележан во последните 20 па дури и 30 години најмалку!
Отсега гледано, до 15-ти октомври ни следуваат чести и многу ладни бранови директно од Сибир, предупреди Попоски.
И од Управата за хидрометеоролошки работи (УХМР) за четврток и петок најавуваат значително опаѓање на температурата.
-Од среда попладне до петок под влијание на нов влажен бран ќе има врнежи од дожд, локално пообилни (над 30 l/m²). Поради продор на постудена воздушна маса од север и засилен северен ветер во четврток и петок на повисоките планини ќе има услови врнежите од дожд да преминуваат во повремен снег. Температурата значително ќе опадне.
Во деновите од викендот ќе има стабилизирање на времето и постепен пораст на дневната температура, соопштија од Националениот македонски хидрометеоролошки сервис.
Деск
