Интерната комисија за кардиолошки и кардиохируршки интервенции утврди дека во десет случаи биле извршени непотребни кардиоваскуларни операции или пациентите биле неоправдано упатени на хируршки зафати.
Министерот за здравство Азир Алиу соопшти дека од вкупно 25 пристигнати претставки, шест ќе бидат проследени до Државниот санитарен и здравствен инспекторат, додека остатокот бил детално анализиран.
Претседавачот на Комисијата, д-р Жарко Христовски, нагласи дека станува збор за прелиминарен извештај и оти следува втора фаза во која, заедно со странски експерти, ќе се анализира работата на сите институции што спроведуваат кардиоваскуларни интервенции. Тој додаде дека во оваа фаза не е етички и правно основано да се откриваат имињата на институциите.
Истражувањето беше покренато по јавните тврдења на кардиохирургот Сашко Кедев, кој во интервју за Канал 77 предупреди дека се изведуваат непотребни операции и стентирања во приватни клиники со цел профит. Комисијата по речиси два месеца ги објави првите наоди.
Деск