Музејот на восочни фигури во Париз откри нова фигура на покојната принцеза Дајана, прикажувајќи ја во иконскиот црн фустан познат како „фустан за одмазда“.
Музејот Гревин, еден од најстарите во Европа, ја претстави фигурата на принцезата од Велс во природна големина во четвртокот, децении по нејзината смрт во градот.
Ја претставува во препознатливиот црн, коктел фустан со отворени рамена, кој го носеше на настан во галеријата Серпентин во Лондон во 1994 година.
Оваа облека го добила својот прекар бидејќи била носена истата вечер кога кралот Чарлс III – тогашниот принц Чарлс – јавно го признал своето неверство со Камила Паркер Боулс.
Париз, градот каде што Дајана трагично загина во сообраќајна несреќа во тунел покрај реката Сена во 1997 година, и до денес привлекува обожаватели на принцезата кои оставаат цвеќе и пораки на неформалните локации за нејзина комеморација.
Б.Н.
