Лидерот на СДСМ, д-р Венко Филипче денес излезе на прес конференција, на која откри дека партијата формирала антикорупциски тим. Станувало збор за тим од млади активисти, истражувачи на СДСМ, и правници, кои ќе ги разоткривале сите криминали и корупцијата.
-Ќе создадеме онлајн платформа каде граѓаните ќе може да пријавуваат сомнежи за корупција. Исто така, ќе бараме помош и од институциите од Италија, кои со децении се бореа со Коза Ностра.
Кога тие се справија со најорганизираната мафија во Европа, и ние ќе се справиме со мафијата на ВМРО-ДПМНЕ, кажа Филипче.
Додаде дека има сознанија за злоупотреби од страна на ВМРО ДПМНЕ во европските фондови, и биле загрозени 130 милиони евра. Ја повика европската главна обвинителка Лаура Ковеши да дојде во Македонија за да се види какви малверзации се правеле со фондовите, посебно со ИПАРД програмата.
За утре најави дека ќе разоткрие нов скандал, за кој имал документација.
Деск
