Регионалниот центар за згрижување на бездомни миленици и ветеринарно здравство СТАЦИОНАР – ШЕПА Кавадарци, каде се згрижуваат бездомни миленици од девет општини – Кавадарци, Неготино, Демир Капија, Велес, Градско, Росоман, Лозово, Свети Николе и Чашка, бара итна донација од ќебиња.
Како што објавија од стационарот, поради ниските температури, потребни им се топли прекривки за кучињата кои претсојуваат таму.
-Поради опаѓање на температурите, имаме итна потреба од донација на ќебиња за кучињата во стационарот. Секое ќебе значи топлина, заштита и подобри услови.
Донациите може да се достават директно во стационарот.
Секоја помош е од огромно значење. Апелираме до сите кои се во можност да помогнат, објавија од ,,Шепа”, заблагдарувајќи се за хуманост и поддршката.
Инаку, установата работи по принципот: Залови – стерилизирај – вдоми – врати. Лоцирана е во кавадаречката населба Глишиќ, а започна со работа од мај, годинава.
В.К.
