Дали јас лошо влијаам на вашите деца, бидејќи ,,правам” пари? – прашува раперот Драгомир Деспиќ, познат во регионот како Десингерица, по бројните критики дека на неговите настапи ги понижувал младите во публика, но и дека градоначалникот на Бања Лука, Драшко Станивуковиќ, бара да се забранат неговите гостувања во Република Српска.
Десингерица за српски ,,Информер” тврди дека тој само си ја работи својата работа, и воопшто не влијаел лошо на младината.
-Дали лошо влијаам, поради тоа што сум семеен човек, имам жена и дете? Затоа што имам добра кола, живеам како Бог? Јас би сакал моето дете да биде успешно како мене!
Најважно во животот е да имаш здраво семејство, а јас тоа го имам. Туѓите деца не се мој проблем. Јас правам музика за возрасни. Вие како родители, воспитувајте си ги децата како сакате. Тоа не е моја работа, порача раперот.
Тој е чест гостин во клубови во целиот регион, а неретко настапува и во Македонија. На своите настапи плука во публика, ги полива со вода гостите, ги удира со патика по глава, но и покрај се, има огромен број на публика.
-Станивуковиќ сака да им забрани на своите граѓани да бидат среќни! Не е нормално да им ја браниш среќата на луѓето. Оние кои ме слушаат мене, првенствено се среќни, кажа Десингерица.
Деск
