Парите пронајдени во домот на родителите на судијата Ѓоко Ристов, сума од 350.000 евра во банкноти од по 500 и 200 евра, според неговите родители, не биле негови, туку изјавиле дека лично тие ги заработиле од лозарство.
Ова денес пред медиумите го кажа обвинителката Искра Хаџи Василева која го води предметот за противправно стекнување имот и перење пари против Ристов.
Тоа го изјавиле родителите на Ристов дури откако биле пронајдени парите заѕидани во ѕид, а кога пред наоѓањето биле прашани дали имаат пари, одговориле дека немаат.
Обвинителката појасни дека двапати бил извршен претрес во домот на Ристови во Неготино, а парите ги нашле при вториот обид.
-Се искршија плочките, се појави дупка, и од дупката почнаа да паѓаат пари. Претходно беа направени претреси на три локации, не беа најдени пари, вели Хаџи Василева.
Инаку, судијата Ристов од вчера е во домашен притвор и одземена му е патната исправа. За ВИКИМЕДИА, лице блиско до судијата, вчера изјави дека се работи за хајка и порача да не се носат заклучоци предвремено, бидејќи се станувало збор за предистрага, а веќе имало осуда.
В.К.
Grapes are seen among rows of vines at Barboursville Vineyards in Barboursville, Va., on Tuesday, Oct. 9, 2007. Wines from vintners in Virginia are drawing favorable attention and holding their own against products from more established regions, which has led the state to focus on growing wine tourism. (AP Photo/Michael Felberbaum)