Дури 38,2 милиони евра потрошила државата во изминатите 15 години, за да финансира стипендирање на студенти на престижни универзитети во странство. Биле финансирани 459 студенти, а од нив само 89 се вратиле дома, открива 360 степени.
За да биде ситуацијата уште поалармантна, иако студентите имале потпишано договор и меница, на ниту еден кој не се вратил назад во Македонија, не му бил наплатен ниту денар.
Овие податоци ги обелодени 360 степени, во интервју со министерката за образование Весна Јаневска.
Како што пишува медиумот, сите стипендирани студенти имале потпишано договор и меница, дека ако не се вратат да работат во земјата неколку години откако ќе завршат, ќе треба да ги вратат парите и тоа во неколкукратно повисок износ. На државната сметка, не легнал ниту денар од оние кои се школувале на буџетски товар, а останале да живеат и работат во странство.
Според Јаневска, некои од тие студенти формирале невладина организација и сакале да и се оддолжат на татковината, а тие проекти, преку кои ќе работеле бесплатно биле на почеток.
Целото интервју е достапно на следниот линк: https://360stepeni.mk/intervju-drzhavata-nema-da-si-gi-bara-parite-od-stipendistite-koi-ne-se-vrakaat-doma/?fbclid=IwY2xjawPi-vlleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe3roFERDYcx1xOtK76dAaAlbHcKoDswYQdEuBqpVNeNlsFKNFC98xdJAToRM_aem_ituMPy5QPgfabKq_dltP9w
Деск
