Ќе те убијам ако не ми купиш стан и кола, со овие зборови се заканувал на својата невенчана сопруга маж од Тетовско, соопшти Секторот за внатрешни работи Тетово.
Како што истакнаа од секторот, по пријавата во полиција, тој бил лишен од слобода.
-Вчера во 19:10 часот во Тетово, полициски службеници од СВР Тетово го лишија од слобода А.Д.(31) од тетовско, постапувајќи по претходна пријава од неговата невенчана 36-годишна сопруга од Тетово, дека ѝ се заканувал и од неа барал да му купи стан и кола, во спротивно ќе ја убие.
Тој е задржан во полициска станица и по документирање на случајот против него ќе следува соодветна пријава, соопштија од СВР Тетово.
Деск
