Хрватскиот пејач Марко Перковиќ Томпсон на 5-ти јули годинава во Загребски хиподром го одржа најпосетениот платен концерт во светот. Иако на почеток организаторите соопштија дека на настанот присуствувале повеќе од 504.000 посетители, сепак според податоците кои веќе ги верифицираше официјалната страница Wikipedia, бројот на посетители изнесувал 449.837.
На пописот со најпосетени платени концерти ширум светот се наоѓаат најголемите светски музички имиња, помеѓу кои Тина Тарнер, Квин, Пинк Флојд, Мадона, Ролинг стоунс, Мајкл Џексон…
Но, она кое го предизвикува вниманието на јавноста е што покрај Томпсон, од поранешните Југословенски републики може да сретнат имињата на Цеца, и тоа за два концерти, Лепа Брена и Бијело дугме.
Според официјалните податоци, Бијело дугме го има одржано третиот најпосетен платен концерт во светот, и тоа во Белградски хиподром во 2005 година, со 220.000 посетители.
Цеца пак, е на 10-то место со концертот во Ушќе, Белград, во 2013 година, кога биле продадени 150.500 влезници.
Концертот на Лепа Брена одржан во Софија, на стадионот Васил Левски во 1990 година е на 22-ро место, со 122.000 посетители.
На листата повторно се наоѓа Цеца, и на 24-то место, со 120.000 продадени влезници за концертот во Ушќе, Белград, во 2006 година.
Кога станува збор за најпосетени бесплатни концерти, на врвот на листата останува Род Стујарт со 3.5 милиони посетители на плажата Копакабана во Рио Де Женеиро во 1994 година.
Со приближен број на посетители е и бесплатниот концерт на Жан Мишел Жар од 1997 година во Москва, а на листата се наоѓаат и концерти на Мадона, Ролинг стоунс, Лејди Гага, Колдплеј, Мајкл Џексон, Шакира и други.
Вики Клинчарова