Македонската публика во Дојран ќе има можност да го погледне филмот ,,Меѓу боговите” за кој докажаниот актер Никола Ристановски ја доби престижната награда „Златна арена“ на филмскиот фестивал во Пула.
Филмот ќе биде прикажан во рамки на четвртото издание на Фестивалот на медитерански и балкански филм „Преку езерото“, кој ќе се одржи од 7-ми до 12-ти август во Дојран.
Ристановски, кој е долгогодишен првак на Македонскиот народен театар, е награден за најдобра споредна машка улога во малцинската копродукција „Меѓу боговите“ на српскиот режисер Вук Ршумовиќ.
Тој ја толкува улогата на преведувач од фарси, кој работи со бегалци од Блискиот Исток, а подготовките за улогата биле интензивни.
Годинава на фестивалот, српскиот актер со македонско потекло, Лазар Ристовски, е добитник на наградата за врвно актерско достигнување во уметноста на филмот „Мето Јовановски“.
Деск