Жена од Кавадарци на возраст од 51 година, наместо да ужива на летување во вила во Грција, станала жртва на измама. Имено, минатиот месец преку социјалните мрежи таа стапила во контакт со прилепчанка која живеела во Солун.
Се договорила со неа за изнајмување на вила во Грција, каде би заминала на летување, по што на транскациска сметка и уплатила аванс од 30.000 денари.
Но, кога кавадарчанката подготвена за летување пристигнала на дестинацијата во Грција, не можела да стапи во контакт со прилепчанката, и сфатила дека е жртва на измама.
Случајот го пријавила во полиција вчера, а од СВР Велес го потврдија за Викимедиа.
-На 22.07.2025 во 12.30 часот во ОВР Кавадарци, 51-годишна кавадарчанка пријавила дека бил измамена од едно женско лице од Прилеп, со престој во Солун, за сума од 30.000 денари. Според пријавеното, таа во јуни 2025 година, преку социјална мрежа стапила во контакт со лицето и се договориле да изнајми вила од неа, по што на трансакциска сметка уплатила аванс. Како што е пријавено, кога стигнала на дестинацијата се обидела да контактира со жената, но таа не била достапна и сфатила дека била измамена, соопштија од СВР Велес.
Од таму додаваат дека се преземаат мерки за расчистување на настанот.
Деск