Поранешниот градоначалник на Општина Крушево, Томе Христоски од редовите на СДСМ, заедно со уште едно лице заработија кривични пријави поради сомнеж за извршен поткуп при избори и гласање. Министерството за внатрешни работи ги соопшти деталите за настанот.
-ОВР Прилеп поднесе кривична пријава против Т.Х.(43) и Т.Ш.(36), двајцата од Крушево, поради постоење основи на сомнение за сторени кривични дела „поткуп при избори и гласање“ и „помагање“.
На 14.10.2025, првопријавениот дал поткуп во износ од по 1000 денари на четири лица да гласаат за него како кандидат за градоначалник на општина Крушево, додека второпријавениот на едно женско лице дал поткуп од 5000 денари со истата намера, известија од МВР.
Деск
