Бенџамин Џонсон (18), член на Бокс клубот во Лозана, загина заедно со околу 40 други лица на новогодишната вечер, додека огнената стихија го зафати популарниот бар „Констелацион“ во Кранс-Монтана.
Во саботата, Швајцарската боксерска федерација преку Инстаграм оддаде почит на младата жртва, нарекувајќи го херој во емотивна објава. Со длабока тага, Швајцарската боксерска федерација дозна за смртта на Бенџамин Џонсон (Клуб Лозаноа де Боксинг), жртва на трагедијата во Кранс-Монтана“, се наведува во објавата.
„Бенџамин нe напушти како херој, помагајќи му на својот пријател. Нашите мисли се со неговото семејство, роднини и со сите жртви на оваа национална трагедија.“
Говорејќи за неговиот херојски чин, претседателот на Швајцарската боксерска федерација, Амир Орфија, изјави: „Овој највисок чин на несебичност совршено го отсликуваше неговиот карактер: Некој кој секогаш им помагаше на другите. Бенџамин беше ветувачки атлетичар и светла личност.
„Гледајќи го како расте, прво како боксер, а потоа како негов тренер, го паметам како млад човек кој секогаш беше позитивен, со насмевка и почит. Тој секогаш беше првиот што ги поддржуваше своите соиграчи.“
М.К.
