ТИНА РУСЕВА ЌЕ ПЕЕ НА ГОЛЕМ ХУМАНИТАРЕН КОНЦЕРТ ВО ГЕРМАНИЈА

Тина Русева, девојката по потекло од Струмица, која со семејството живее во Германија и го привлече вниманието на европската јавност со учеството во музичкиот натпревар ,,Гласот на Германија”, а сега и со пласманот во натпреварот ,,Гласот на Европа”, ќе настапи на голем хуманитарен концерт во Диселдорф, Германија.

Настанот ќе се одржи на 28-ми февруари, а средствата од истиот се наменети за помош на погодените од трагедијата во Кочани.
Покрај Русева, ќе настапат и Ламбе Алабаковски, Андријана Јаневска и Елена Андоновска.

На страницата на МКЦ ,,Македонско сонце” Диселдорф, се објавени детали за концертот на кој биле поканети и министерот за култура и туризам Зоран Љутков, началникот од секторот за дијаспора Боро Мирчески, директорот на Агенцијата за иселеништво Горан Ангелов, целиот дипломатски кор од ДКП-та во Германија, како и претставници на Mакедонски граѓански здруженија и црковни општини.

Говор ќе одржела Наталија Ѓорѓиеска, сопруга на Андреј од дуото ДНК, кој го загуби животот во пожарот во Кочани.
Како што наведуваат од друштвото, се очекувала огромна посетеност од сите националности и религии, првично поради хуманитарниот карактер на концертот.

Русева, која ќе биде помеѓу музичките гости, деновиве е актуелна поради пласманот на натпреварот ,,Гласот на Европа”, каде е во Топ 6. Финалето на истиот ќе се одржи утре, на 16-ти јануари.

В.К.