Не им е срам да земаат 250 евра зголемување на функционерските плати, а да дадат на работниците 25 евра зголемување на минималната плата, прашува претседателот на Сојуз на синдикати, Слободан Трендафилов, пред најавениот протест, кој ќе се одржи на 28-ми јануари, со почеток од 17.00 часот.
-Си играат со работничката судбина, со работничката пот, со работничката мака, и си играат многу долго време!
Ние не можеме да го дозволиме тоа и затоа ќе се бориме за секој еден работник.
И еден работник да излезе на улица, ССМ ќе биде со него и ќе бара зголемување на неговата плата! Затоа, на 28 јануари, во 17 часот пред ССМ, протестираме за плата, повикува Трендафилов.
Главната цел на протестот е зголемување на работничките плати за најмалку 6.000 денари, преку зголемување на минималната плата на 600 евра.
Протестот започнува на 28 јануари 2026 година во 17:00 часот пред Работнички дом (зграда на ССМ на ул. Мирче Ацев бр.6) во Скопје, по што продолжува пред Собранието, Стопанската комора и Македонската Влада (Движење по ул. Мирче Ацев, Филип Втори Македонски, 11 – ти Октомври, Димитрие Чуповски, Даме Груев, Булевар ВМРО и да заврши на Булевар Илинден пред Владата на Република Македонија).
Деск
