Денеска го посетив зимското одморалиште на МВР на Пониква, место кое во овој период традиционално престојуваат децата и семејствата на загинатите бранители, соопшти министерот за внатрешни работи Панче Тошковски.
Тој додава дека нивната жртва нема да биде заборавена, и секогаш во рамки на надлежностите ќе одговорел на нивните потреби.
-Имав чест на заеднички ручек да поминеме време заедно, во искрена и топла атмосфера, да поразговараме на повеќе теми. Жртвата што ја дале нивните најблиски е најголемата можна жртва, затоа што тие ги загубиле своите татковци, сопрузи, синови во одбрана на татковината.
Таа жртва не смее и нема да биде заборавена. Таа за нас претставува аманет и трајна обврска, секогаш да бидеме покрај нив, да им даваме поддршка, да ги почитуваме и да одговараме на нивните потреби во рамките на надлежностите што ги имаме, истакна министерот.
Деск
