По повод вчерашните настани, кога поголеми групи на Роми блокираа патишта и палеа гуми и отпад, во знак на револт бидејќи им се одземаат возилата на лицата кои немаат положено возчки испит, премиерот Христијан Мицкоски вели дека жестоко ќе се одговори на секој кој го загрозува мирот и безбедноста.
-Разговарав утрово со министерот за внатрешни работи. Тоа што го побарав од него е оној кој го прекршил законот, јавно упатил закани, го загрозил мирот и безбедноста на граѓаните – жестоко да се одговори. И ќе се одговори за да не се повтори тоа дивеење вчера што се случи, изјави Мицкоски.
На хаосот кој што се случуваше вчера сведочеше целата јавност и се обајвија голем број на видеа од протестите, од каде присутните порачаа дека и без положен возачки испит треба да продолжат да возат и да бидат изземени од закон за сообраќај.
Тврдеа дека возат одлично, а не биле писмени за да полагаат и немале пари за да уплатат за полагање на возачки испит.
Некои од нив пред камерите дури кажуваа дека возат и по 20 години без возчка дозвола, а имаше и закани дека нема да запрат додека не им се исполни барањето, да не подлежат на законски санкции. Зад нив на улиците остана неред и ѓубре кое го палеа во знак на револт.
Деск
