На 8 јуни 2026 година, околу 11:25 часот, во СВР Охрид било пријавено дека несреќа се случила при изведување градежни работи на кров на еден од објектите на Меѓународен аеродром „Св. Апостол Павле“.
Според информациите од полицијата, при извршување на работните задачи паднал работник кој се здобил со тешки телесни повреди. Повредениот, З.П. (44) од Кавадарци, веднаш бил пренесен во Болница „Св. Еразмо“, каде што е задржан на понатамошно лекување.
Полициски екипи извршиле увид на местото на настанот, а надлежните институции работат на целосно расчистување на околностите под кои дошло до несреќата.
Деск
