Две девојчиња на возраст од 12 и 13 години се здобиле со тешки телесни повреди, откако во нив со патничко возило удрил 76-годишник, соопшти Министерството за внатрешни работи.
Како што посочуваат од таму, вчера во 20.30 часот во СВР Скопје е пријавено дека на ул.„Товарник“ во Скопје патничко возило „хјундаи“ со скопски регистарски ознаки, управувано од П.Н.(76) од Скопје, удрило во две малолетнички на возраст од 12 и 13 години, двете од Скопје.
Во несреќата со тешки телесни повреди се здобиле малолетничките, констатирани во Градската општа болница „Св. Наум Охридски“.
Извршен е увид од увидна екипа од СВР Скопје, информираат од полицијата.
Деск
