Брајан Волш, обвинет за убиство на својата сопруга, мајка на нивните три деца, е прогласен за виновен за убиство од прв степен. Неговата сопруга, Ана Волш, исчезна на први јануари 2023 година на 39-годишна возраст.
Минатиот месец, пред почетокот на судењето, Брајан Волш се изјасни за виновен за лажно сведочење пред полицијата и за неправилно отстранување на телото, но остана на ставот дека не ја убил сопругата и се изјасни за невин за убиство, известува abc news.
Случајот предизвика големо внимание во јавноста, поради трагичниот крај на семејството и бруталноста на делото.
Прокуророт на округот Норфолк, Мајкл Мориси, чиј кабинет го водеше случајот, изјави пред новинарите надвор од судницата дека добиле порака од сестрата на Ана Волш, која изјавила: „Правдата е задоволена.“
-Се согласуваме целосно со нејзините зборови, додаде тој. Мориси ги пофали истражителите за огромната количина форензички докази кои беа презентирани на судењето.
„Не оставија камен непоместен,“ рече тој. „Истражуваа од ѓубришта до депонии, до префрлувачки станици, големи продавници, продавници за дрво, CVS, само за да соберат секаков доказ кој беше критичен за овој случај.“
Мориси истакна дека, според неговите сеќавања, ова е првпат неговиот кабинет да добие пресуда за убиство од прв степен без да има телото на жртвата. „Да не заборавиме дека трите мали деца на Ана останаа без мајка,“ додаде тој.
М.К.
