11-годишно момче и една жена се повредени во одделни инциденти на напади на ајкули на плажа Пиедаде, во близина на градот Ресифе во Бразил, соопштија локалните власти и спасувачките служби.
Во првиот инцидент, момчето било нападнато додека пливало во морето со своето семејство. Според сведоци, нападот се случил ненадејно, по што роднина успеал да го извлече од водата пред пристигнување на спасувачите. Поради тешките повреди на ногата, лекарите биле принудени да извршат ампутација. Детето по операцијата било во стабилна состојба.
Во вториот инцидент, жена исто така била нападната од ајкула во истата крајбрежна зона, при што се здобила со сериозни повреди. Таа била итно пренесена во болница, каде добила медицинска нега. Детали за нејзината состојба не се целосно објавени.
Регионот околу Ресифе е познат по зголемен број напади на ајкули во последните години, поради комбинација од природни услови, морски струи и присуство на видови ајкули блиску до брегот.
Локалните власти апелираат до туристите и жителите да ги почитуваат предупредувањата и забраните за пливање на ризичните плажи.
Деск
