Францускиот претседател Емануел Макрон потврди дека францускиот државјанин Ден Елкајам загинал во нападот.
Според францускиот весник “Ле Паризиен”, Елкајам бил 27-годишен инженер кој пристигнал во Австралија пред две години.
“Тагуваме со неговото семејство и најблиските, со ожалостената еврејска заедница и австралискиот народ”, изјави францускиот министер за Европа Жан-Ноел Баро во објава на Х.
“Овој гнасен чин е уште една трагична манифестација на одвратниот пораст на антисемитската омраза што мораме да ја спречиме.”
Еден пријател го опиша Елкајам како “светлина за сите”, изјавувајќи за “Ле Паризен” за љубовта на инженерот кон патувањата и фудбалот.
Елкајам оваа година беше играч во Премиер лигата во фудбалскиот клуб “Рокдејл Илинден” од Сиднеј и беше исклучително талентиран и популарен меѓу соиграчите.
“Најдлабоки и најискрени сочувства до семејството, пријателите на Ден и до сите што го познаваа. Ќе ни недостасува”, напиша клубот во соопштението на Фејсбук.
Деск
