Во американските медиуми се обајви вест дека Викторија Кафка Џонс, ќерка на познатиот актер Томи Ли Џонс, била пронајдена мртва во хотел во Сан Франциско во раните утрински часови на Нова година. Веста првично ја објави TMZ, а потоа ја пренесоа и други релевантни меѓународни медиуми.
Според достапните информации, службите за итни случаи одговориле на повик од луксузниот хотел “Фермонт” околу 2:50 часот наутро. На местото на настанот била пронајдена возрасна жена, констатиран е нејзиниот смртен случај, а случајот веднаш го презела Канцеларијата на судскиот вештак на округот Сан Франциско.
Властите сè уште не ја објавија причината за смртта, ниту пак потврдија дека се сомневаат на кривично дело. Полицијата соопшти дека е во тек истрага и дека ги чекаат резултатите од обдукцијата, по што ќе бидат познати повеќе детали за околностите на смртта.
Викторија Џонс имаше 34 години и беше ќерка на Томи Ли Џонс и неговата поранешна сопруга, Кимблеа Клоули. Како дете и тинејџерка, таа повремено се појавуваше во филмски и телевизиски проекти, вклучувајќи и филмови во кои глумеше и нејзиниот татко, но подоцна се повлече од јавниот живот.
Во последните години, таа живееше далеку од јавноста, а медиумските извештаи наведуваат дека не била активна во филмската индустрија. Семејството сè уште нема дадено јавна изјава во врска со трагичниот настан, а јавноста е замолена да биде трпелива додека трае официјалната истрага.
Оваа вест предизвика силни реакции на социјалните мрежи и во меѓународната заедница, со бројни пораки за сочувство. Се очекуваат дополнителни информации откако властите ќе ги објават официјалните наоди и заклучоци во врска со причината за смртта.
Деск
