Вевчани повторно ќе биде во центарот на вниманието од 12-ти до 14-ти јануари, кога традиционално ќе се одржи Вевчанскиот карневал. Настанот, познат по своите автентични маски, сатира и слобода на изразување, секоја година привлекува илјадници посетители од земјата и од странство.
Карневалската поворка ќе започне во вечерните часови, а учесниците преку маски и перформанси ќе ги прикажат актуелните општествени случувања на духовит и креативен начин. Организаторите најавуваат богата програма, традиционална музика и незаборавна карневалска атмосфера.
Вевчанскиот карневал претставува еден од најзначајните културни настани во Македонија и дел од нематеријалното културно наследство.
Наскоро ќе биде објавена и целосната програма, како и имињата на музичките изведувачи кои ќе ги забавуваат гостите.
Деск
