Претседателката Гордана Силјановска Давкова синоќа присуствувала на македонската премиера на документарниот филм
,,Приказната за Силјан”. Таа истакна дека Македонија доби вредно филмско остварување, и и честиташе на целата филмска екипа.
-Филмот е моќна приказна за семејството, односите меѓу човекот и природата, борбата за пристоен живот. Се чини дека далеку од дома и од најблиските, полесно ја согледуваме и разбираме потребата од припадност некаде и некому.
Во право е режисерката кога вели дека филмот добива најголема тежина пред домашната публика, соочена со разбудените болни и искрени емоции.
Честитки за Тамара Котевска и целата филмска екипа за достоинствената промоција на високите македонски филмски вредности. Добивме вредно филмско остварување, коешто верувам дека ќе биде инспирација за идни успеси, порача претседателката.
Деск
