“Парите се добри… но не сум сигурен дали некој од вас знае што се крие зад нив.” ZZ Top потврдија дека им биле понудени милиони долари од Gillette за да ги избричат брадите, но на крајот ја одбиле понудата.
Со текот на годините, бендот стана познат по своите долги бради, кои ги носеа сите членови, освен тапанарот Френк Бирд. Веќе со години кружи гласина дека фронтменот Били Гибонс и останатите членови на бендот одбиле огромна сума пари за да се откажат од своите препознатливи бради, а во ново интервју пејачот потврди дека тоа е вистина, пишуваат NME и Loudwire.
Говорејќи во неодамнешно гостување на подкастот “Mohr Stories”, Гибонс откри дека “Жилет” во 1980-тите им понудиле по милион долари (околу 740.000 фунти) на секој член на бендот, под услов да се бричат пред камера. “Тие тоа го негираат”, рече хитмејкерот на “Sharp Dressed Man” за “Жилет”. “[Но] тоа беа милион долари по човек.”
Тој додаде дека го повикал својот публицист, Боб Мерлис, откако слушнал за понудата, а тој досетливо одговорил: “Парите се добри, можеби треба да размислите за тоа… но не сум сигурен дали некој од вас знае што се крие под тие бради.”
Како што посочи Loudwire, препознатливиот изглед на ZZ Top датира од раните денови на бендот, кога тој бил формиран во доцните 60-ти и свирел неуморно до средината на 70-тите.
Кога минатата година го прашаа зошто воопшто ги пуштиле брадите, Гибонс во интервју за “The Big Interview” рече дека причината е еден збор: мрзеливост.
“Ги формиравме ЗЗ Топ во 1969 година. Свиревме без престан до 1976 година, годината на двестегодишнината на САД”, рече тој. “Во тој момент, добивме повик да се приклучиме на групата на Warner Bros.”
Нивниот последен албум беше концертниот албум Raw од 2022 година, кој излезе по смртта на Дасти Хил една година претходно. Истиот албум содржеше 11 песни снимени за документарецот на Нетфликс од 2019 година, That Little Ol’ Band From Texas.
ZZ Top повторно ќе настапат во живо подоцна оваа година, со голема серија концерти во САД закажани помеѓу март и мај, како и со европска турнеја во текот на летото.
Б.Н.
