Еден необичен и исклучително емотивен гест на матурaнти од Задар стана вирален на социјалните мрежи, откако на својата професорка ѝ подарија автомобил како благодарност за годините поминати заедно во училишните клупи.
Учениците од завршната генерација на Техничката школа во Задар одлучиле да ја изненадат својата професорка Нина Лучиќ на крајот од школувањето, претворајќи го традиционалниот подарок за збогување во нешто многу поголемо и посебно. Наместо симболичен дар, тие заеднички собрале средства и купиле автомобил, кој ѝ го предале непосредно пред училиштето.
Во моментот на изненадувањето, класната раководителка била видно шокирана и емотивна, а сцената брзо се прошири на интернет, каде предизвика голем број позитивни реакции. Многумина го опишаа овој чин како доказ за исклучителната врска меѓу наставник и ученици, но и како пример за почит и благодарност кон просветните работници.
Според изјавите на учениците, нивната класна им била голема поддршка во текот на четирите години, често опишана како „втора мајка“, што ги мотивирало да направат нешто навистина незаборавно за неа.
Настанот уште еднаш потсети на важноста на наставниците во образовниот процес и емоционалната врска што може да се изгради помеѓу учениците и нивните професори.
Деск
