Попладнево во 17:41 часот е регистриран земјотрес со јачина од 3,5 степени според Рихтеровата скала, кој бил почувствуван во Скопје и пошироката околина.
Според податоците на сеизмолошките служби, епицентарот на потресот се наоѓал на околу 21 километар источно од Скопје, на мала длабочина од приближно 5 километри, што придонело за негово поизразено чувствување на површината.
Граѓани од главниот град и околните населени места пријавиле краткотрајно, но јасно тресење, проследено со блага вознемиреност. Во некои делови бил забележан и звук во моментот на потресот.
Според првичните информации, нема пријави за материјална штета или повредени лица.
Надлежните служби продолжуваат да ја следат сеизмичката активност во регионот.
Деск
