Организаторите на Д Фестивал најавуваат уште една музичка вечер исполнета со емоции, носталгија и евергрини – на сцената во Штип во сабота, на 27 јуни, ќе настапат легендарниот Јура Стублиќ и култната група Филм.
Публиката ќе има можност да ужива во низа безвременски хитови кои со децении го освојуваат регионот, меѓу кои „Zamisli život“, „Mi nismo sami“, „Boje su u nama“, „Pjevajmo do zore“, „Sjećam se prvog poljupca“, „Srce na cesti“, „Ljubav je zakon“ и „Doći ću ti u snovima“.
Како што велат од фестивалот, станува збор за песни кои го издржале тестот на времето и прераснале во вистински евергрини, а Јура Стублиќ и ФИЛМ се едни од најзначајните имиња на балканската музичка сцена.
„Замисли го животот како музика за танц и препушти се“, порачуваат организаторите, најавувајќи вечер исполнета со заедничко пеење и одлична атмосфера.
Д Фестивал наскоро ги отвора своите порти, носејќи три дена исполнети со музика, енергија и незаборавни настапи.
Б.Н.
