Маж на возраст од 31 години е приведен, откако вчера во здравствена установа нападнал жена. Тој ја заклучил 55-годишната велешанка во просторија, ја испрскал со средство за чистење во очите, кршел наоколу, а се заканил и со нож, соопшти Секторот за внатрешни работи Велес.
-Вчера во 15:30 часот, полициски службеници од СВР Велес го лишија од слобода М.П.(31) од Велес, постапувајќи по претходна пријава од 55-годишна велешанка дека на работното место во здравствена установа во Велес ја заклучил во една од просториите, кршел предмети, физички ја нападнал, ѝ се заканил со остар предмет и со средство за чистење ја испрскал во очите.
Тој е задржан во полициска станица, известен е јавен обвинител и по документирање на настанот против него ќе биде поднесена соодветна пријава, известија од полицијата.
Деск
