Во Словенија, на 11 ноември стапува на сила целосна забрана за трајно врзување кучиња.
Ова значи дека сопствениците повеќе нема да имаат право да ги држат кучињата на ланец, јаже или било каква друга форма на врзување што го ограничува нивното слободно движење.
Новата регулатива предвидува високи казни, а за прекршување на забраната, сопствениците се соочуваат со казна до 1.600 евра.
Според новите правила, кучињата мора да имаат ограден простор што им овозможува слободно движење, засолниште од временските услови и безбедност од бегство.
Сè уште постои обврска кучето да се држи на поводник кога е на јавни места, но повеќе не е дозволено кучето да се држи на поводник во дворови и градини.
Во образложението на одлуката се наведува дека кучињата што постојано се на ланец често се изложени на стрес, страдање и проблеми во однесувањето и дека таквото однесување го загрозува нивното физичко и ментално здравје.
Слична забрана постои и во Хрватска, но сè уште не е целосно применлива во пракса. Според Законот за заштита на животните (Службен весник 102/17), забрането е постојано врзано куче или во област што не му дозволува слободно движење.
За физичките лица кои ќе ја прекршат оваа одредба, предвидена е казна од 2.600 до 6.600 евра, додека за правните лица казната е од 2.000 до 4.000 евра.
И покрај законската забрана, во Хрватска сè уште е вообичаено кучињата, особено во руралните средини, целиот свој живот да го поминат на синџир.
Експертите и здруженијата за заштита на животните предупредуваат дека законот мора построго да се спроведува, бидејќи постојаното врзување на кучињата води до сериозни последици по нивното здравје и однесување, објави Индекс.
Деск
