Родители на младинците и децата кои загинаа во пожарот во Кочани сметаат дека треба да има доживотна казна за делото, бидејќи станува збор за 63 изгубени животи.
Денес пред камери, пред да започне судењето за случајот Пулс, дел од нив отворено порачаа дека максималната запретена казна за Тешки дела против сигурноста која е максимум до 20 години затвор, не е доволна, и со изрекување на истата, не сметаат дека правдата ќе биде задоволена.
За трагедијата се обвинети три фирми: „МММ Кафе“ ДООЕЛ Кочани, „Рубикон секјурити“ и „Венци проект“ Кочани, и 35 лица – газдата на „Пулс“ Дејан Јованов-Деко, син му Михаил Јованов, Митко Стојанов, Гроздан Милчковски, Милка Едровска, Тодор Јованов, Огњан Георгиев, Љупчо Стаменков, Николчо Коцев, Ратко Димитровски, Николчо Илијев, Љупчо Папазов, Јане Јанчески, Лазар Захариев, Ивица Грозданов, Стојанчо Димитријев, Шабан Салиу, Мартин Георгиев, Аднан Џафероски, Беким Максути, Џевад Селами, Љупчо Грнчиштанов, Ваљон Сарачини, Крешник Бектеши, Џеваир Камбери, Шевкет Хазари, Зоран Николовски, Беким Хаџиу, Арлинда Хасапи, Миле Ампов, Блашка Ефтимова, Весна Кизмановска, Емил Митев, Размена Чекиќ-Дуровиќ, и газдата на агенцијата за обезбедување „Рубикон“ Александар Нацев.
Деск