Австралиската актерка Рејчел Карпани, најпозната по улогата на Џоди Фаунтин Меклиод од култната серија “Ќерките на Меклиод”, почина на 46-годишна возраст. Тажната вест ја потврди нејзиното семејство, кое откри дека актерката починала мирно по долга битка со хронична болест.
Австралиската актерка Рејчел Карпани почина на 46-годишна возраст, потврди нејзината сестра Џорџија во објава на социјалните мрежи. Во семејното соопштение се вели дека актерката “ненадејно, но мирно почина во раните утрински часови на 7 декември по долга битка со хронична болест”. Семејството побара приватност во овој тежок период, а за блиското семејство ќе се одржи приватна погребална служба на 19 декември.
Рејчел Карпани е запаметена од гледачите по улогата на Џоди Фаунтин Меклиод во популарната серија “Ќерките на Меклиод”, во која глумеше од 2001 до 2009 година. Нејзиниот лик, кој се разви од весела девојка во силна жена, ги освои срцата на публиката ширум светот и ѝ донесе статус на телевизиска ѕвезда, како и номинации за престижните награди “Логи”. Многу фанови пораснале гледајќи ги нејзините авантури на имотот “Дроверс Ран”.
Б.Н.
