Правосудството со години функционира со сериозни кадровски и функционални слабости. Недостатокот од судии, јавни обвинители и судска и јавнообвинителска служба директно се одразува врз ефикасноста на постапките и врз правото на судење во разумен рок, соопшти министерот за правда, Игор Филков.
Додава дека по спроведен надзор во сите судови, констатирале загрижувачка состојба:
-пополнетост на судиите – околу 67%
-пополнетост на судската служба – само 36%.
-Овие бројки значат одложени рочишта, натрупани предмети и преоптоварени судови Особено сериозен е недостигот од записничари, стручни соработници, референти и техничка поддршка.
Затоа Министерството за правда пристапи системски.
До Министерството за финансии доставивме официјално известување за итни вработувања во судската и јавнообвинителската служба, засновано на реални податоци од терен и информации од Судскиот совет и Јавното обвинителство, извести Филков.
Тој потенцира дека функционално правосудство значи заштита на правата на граѓаните и враќање на довербата во системот.
Деск
