Министерството за здравство започна постапка за набавка на 100 нови амбулантни возила, наменети за јавните здравствени установи низ државата, со цел подобрување на услугите во итната медицинска помош.
Според објавените информации, станува збор за инвестиција вредна околу 461 милион денари, односно приближно 7,5 милиони евра. Возилата ќе бидат опремени со современа медицинска опрема и ќе овозможат побрза и поефикасна интервенција на терен.
Од Министерството посочуваат дека со оваа набавка ќе се подобри покриеноста на службите за итна медицинска помош, особено во помалите и рурални средини, каде што пристапот до здравствени услуги е ограничен. Новите амбулантни возила треба да придонесат и за побезбеден транспорт на пациентите до здравствените установи.
Во моментов, процесот е во фаза на јавна набавка, односно распишан е тендер на кој заинтересираните компании можат да достават понуди. По изборот на најповолен понудувач, ќе следи испорака и распределба на возилата низ здравствените институции во државата.
Надлежните очекуваат дека овој проект ќе претставува значаен чекор кон модернизација на здравствениот систем и подигнување на квалитетот на здравствените услуги за граѓаните.
Деск
