Единицата за внатрешни работи Ѓорче Петров при СВР Скопје поднесе шест кривични пријави до Основното јавно обвинителство Скопје против родители и старатели на малолетнички, поради сомнение за запуштање и малтретирање дете, информираат од надлежните институции.
Пријавите се поднесени по член 201 став 1 од Кривичниот законик, откако било утврдено дека нивните деца учествувале во физички напад врз 13-годишна малолетничка во скопската населба Ѓорче Петров. Станува збор за лица Е.А. и А.М., Е.С., Р.С. и Р.Г., С.А., В.И. и Ѓ.И., А.Т. и Т.Т.
Според информациите, малолетните лица се товарат за кривично дело по член 386 од Кривичниот законик, односно за физички напад.
Претходно, на 29 април 2026 година, ЕВР Ѓорче Петров до ОЈО Скопје поднела кривична пријава и против четири малолетнички поврзани со истиот настан.
Надлежните институции продолжуваат со постапката за целосно расчистување на случајот.
Деск
