Според статистиката добиена во Државната изборна комисија, вкупно потврдени листи за градоначалник на општините и Градот Скопје се 303 а за членови на советите на општините и советот на Град Скопје се потврдени вкупно 558 листи, соопштија од ДИК.
-За општините Куманово, Аеродром, Карпош и за Град Скопје сеуште има листи кои се во фаза на отстранување на неправилности по доставено известување од ОИК. Од нив вкупно 8 листи за градоначалник се во процес на отстранување на неправилностите а 20 листи за членови на советите на општините и советот на Град Скопје.
Од доставените листи, отфрлени се вкупно 5 листи за градоначалник на општина и тоа по 1 листа за општина Бутел , Центар, Куманово, Аеродром и Град Скопје.
По завршување на процесот на потврдување на кандидатските листи, следува ждрепката за утврдување на редоследот на единствената листа на кандидати која ќе се одржи денес, 24-ти септември 2025 година, информираа од Државната изборна комисија.
Деск
