Вознемирувачки настан се случи во Австралија, на познатата плажа Бонди. Комесарот на полицијата на Нов Јужен Велс, Мал Лејнон, вели дека полицијата добила повеќе пријави околу 18:47 часот по локално време за истрели во паркот Арчер, тревна површина на плажата Бонди.
Тој потврдува дека најмалку 12 лица загинале, а 29 други се пренесени во различни болници, вклучувајќи двајца полицајци кои се во тешка состојба.
Комесарот Лејнон изјави дека не е подготвен да објави информации за напаѓачите во оваа рана фаза од истрагата.
Тој вели дека детективите истражуваат дали бил вклучен и трет напаѓач.
“Сакам да бидам сигурен дека секој камен ќе биде превртен”, вели тој.
Премиерот Крис Минс потврдува дека од 12-те лица убиени во нападот, еден “напаѓач” е исто така убиен, а друг е во притвор.
Тој вели дека нападот бил “осмислен да ја таргетира еврејската заедница во Сиднеј”.
Она што требаше да биде “ноќ на мир и радост” беше “разрушено” од “страшен, злобен напад”, додава тој.
Вечерва имаше многу над 1.000 присутни лица кои го прославуваа еврејскиот празник Ханука, вели комесарот на полицијата на Нов Јужен Велс, Мал Лејнон.
Деск