Филмот „Hamnet“ е прогласен за најдобар филм во драмска категорија на 83. доделување на Златните глобуси, што се одржа синоќа. Главната актерка Џеси Бакли ја освои наградата за најдобра актерка во драмски филм.
Наградата за најдобар филм – комедија или мјузикл ја доби „One Battle After Another“, кој освои уште три признанија, меѓу кои и за најдобра споредна актерка за Тејана Тејлор, како и за најдобра режија и сценарио за Пол Томас Андерсон.
Роуз Бирн беше прогласена за најдобра актерка во комедија или мјузикл за улогата во „If I Had Legs I’d Kick You“, додека Тимоти Шаламе ја освои наградата за најдобар актер за „Marty Supreme“. Вагнер Моура е најдобар актер во драма за „The Secret Agent“, а Стелан Скарсгард ја доби наградата за најдобра споредна машка улога за „Sentimental Value“.
Филмот „The Secret Agent“ беше прогласен и за најдобар филм на неанглиско говорно подрачје, додека „Golden“ од „KPop Demon Hunters“ ја освои наградата за најдобра филмска песна, а истиот филм победи и во категоријата за најдобар анимиран филм.
Во телевизиските категории, серијата „The Pitt“ е прогласена за најдобра драмска серија, а Ноа Вајл ја доби наградата за најдобар актер. „The Studio“ е најдобра комедија или мјузикл серија, со награда за Сет Роген, додека Џин Смарт победи за „Hacks“.
Деск
