Во духот на месецот Рамазан, во Основното училиште Мустафа К. Ататурк во Пласница беше реализирана хуманитарна акција со цел да се помогне на семејства на кои им е потребна поддршка.
Со заеднички ангажман на вработените, учениците и родителите беа собрани основни прехранбени производи и други неопходни намирници.
-Преку ваквите активности кај учениците се развива чувството на хуманост, солидарност и грижа за другите, а воедно се поттикнуваат вистинските вредности како меѓусебна почит, емпатија и подготвеност да се помогне таму каде што е најпотребно.
Особена благодарност упатуваме до родителите, чија поддршка и несебичен придонес беа од големо значење за успешната реализација на оваа акција.
Собраната помош ќе биде доставена до лица и семејства на кои им е најпотребна во овие предбајрамски денови, со желба да внесеме радост, топлина и надеж во нивните домови, известија од училиштето.
Деск
