Седумдесет и осумгодишен жител на Тетово доби осумдневна мерка притвор откако бил осомничен дека физички ја нападнал својата сопруга во семејниот дом.
Според информациите од полицијата, на 11 јуни 2026 година околу 16 часот, полициски службеници од СВР Тетово го лишиле од слобода Ш.А. (78), постапувајќи по претходна пријава за семејно насилство.
Како што е наведено, инцидентот се случил истиот ден околу 9 часот, кога осомничениот физички ја нападнал својата 74-годишна сопруга и ѝ нанел телесни повреди. Повредите биле констатирани во Клиничката болница во Тетово.
По приведувањето, против него била поднесена соодветна пријава по член 130 од Кривичниот законик. Осомничениот бил изведен пред надлежен судија, кој му определил мерка притвор во траење од осум дена.
Тој е спроведен во Казнено-поправната установа Затвор Скопје, каде ќе ја издржува определената мерка притвор.
Надлежните институции продолжуваат со постапката за целосно расчистување на случајот.
Деск
