Општина Аеродром ќе го отстранува Божиќниот базар Зимзоленд, откако речиси две недели врти рингишпили без никаква дозвола и потребна документација, објави Телма.
Како што пренесува медиумиот, Зимзоленд работел без дозвола, а вонредниот инспекциски надзор открил низа на неправилности.
-Вчера во попладневните часови е извршен заеднички вонреден инспекциски надзор над работењето на организираната манифестација „Зимзоленд“. Во надзорот учествуваа Градежна инспекција на Општина Аеродром, Државен пазарен инспекторат, Државен инспекторат за труд и Дирекција за заштита и спасување. Градежен инспектор на Општина Аеродром изврши увид и отпочна инспекциска постапка согласно со Законот за градење, Законот за инспекциски надзор и Законот за општа управна постапка за отстранување на поставената опрема, за Телма соопштиле од Општина Аердром.
Биле констатирани и неправилности околу штандовите за храна, односно поради неисполнување на основни хигиенски услови за поставување на штандови на кои ќе се произведува и ќе се врши промет со храна, АХВ изрекла мерки на секој штанд (на физички и на правни лица), но и на правното лице организатор на манифестацијата ЗИМЗОЛЕНД.
Божиќниот базар беше атрактивно место за најмладите посетители, кои изминатиот период се возеа на реквизитите, поставени без дозвола.
Деск
