По трагичната несреќа во бар во швајцарскиот скијачки центар Кран-Монтана, по која беше активиран европскиот механизам за цивилна заштита, и по консултација со претседателот на Владата, Христијан Мицкоски и министерот за здравство Азир Алиу, денеска остварив телефонски разговор со швајцарскиот амбасадор во земјава, Кристоф Зомер, соопшти министерот за надворешни работи, Тимчо Муцунски.
Тој вели дека во разговорот изразил искрено и длабоко сочувство до семејствата на загинатите, како и до народот на Швајцарија, со желби за брзо и успешно закрепнување на повредените.
-Ја изразив подготвеноста на нашата држава да прифати повредени пациенти и да обезбеди соодветна медицинска поддршка во нашите здравствени установи. Дополнително, доколку има потреба, подготвени сме и македонски лекари – специјалисти, кои беа директно вклучени во лекувањето по трагедијата во Кочани, веднаш да заминат во Швајцарија и да помогнат во процесот на лекување.
Поддршката во вакви моменти е од суштинско значење. Целосно стоиме на располагање на нашите швајцарски пријатели во справувањето со оваа трагедија, соопшти министерот.
Деск
