Единицата К9, составена од искусни кучиња трагачи, изминатата година остварила огромни резултати, соопшти дирекоторт на царинската управа, Бобан Николовски.
Како што објави, со почит зборува за нивната непроценлива улога.
-Со посебна почит зборувам за нашите колеги од К9 единицата, тивки, но исклучително моќни чувари на безбедноста. Во изминатата година тие учествуваа во 536 контроли и беа директно вклучени во 139 заплени, при што беа откриени 318 килограми дрога, над 234 илјади евра, оружје, муниција и друга незаконска стока.
Последната акција, заедно со мобилните тимови, по постапување по 30 барања од МВР во која беше откриена значајна количина кокаин, К9 единицата уште еднаш ја потврди својата непроценлива улога.
Ова е јасен доказ дека кога институциите работат заедно, резултатите се конкретни, силни и во интерес на безбедноста на државата и граѓаните, објави Николовски.
В.К.
