Новата реклама на Пепси привлече големо внимание на социјалните мрежи откако беше откриено дека инспирацијата доаѓа од глобално познатото видео со пар фатен во наводна прељуба за време на концерт на групата Coldplay, кое минатата година го обиколи светот. 
Во рекламниот спот, Pepsi на сатиричен начин ја преработува познатата „kiss cam“ сцена која стана интернет сензација. Наместо вистински луѓе, во рекламата се појавуваат анимирани поларни мечки што се „фатени на камера“, што алудира на оригиналниот настан кој предизвика милиони прегледи и бројни реакции на интернет.
Креативниот концепт на рекламата ја користи идејата за „изневерување“, но во маркетиншка смисла – симболично прикажувајќи преминување од конкурентски бренд кон Pepsi.
Со тоа компанијата уште еднаш ја нагласува својата долгогодишна маркетиншка стратегија на провокативни и духовити кампањи.
Рекламата брзо стана вирална на социјалните мрежи, каде корисниците ја препознаа врската со познатото видео од концертот. Дел од публиката ја пофали креативноста и хуморот, додека други сметаат дека користењето на приватен скандал како инспирација е контроверзно.
Маркетинг експертите оценуваат дека ваквите кампањи покажуваат како глобалните брендови сè почесто ги користат интернет трендовите и виралните приказни за да привлечат внимание кај младата публика и да создадат силен медиумски ефект.
Деск
