Денеска (27.03.2026) во 17:20 часот во тетовското село Брвеница, полициски службеници од СВР Тетово, по претходно распишана централна потерница од СВР Охрид, од слобода го лишија Ж.Г.(53) од истото село кој се сомничи за сторено кривично дело „убиство“ по член 123 од кривичниот законик, соопшти Секторот за внатрешни работи Охрид.
-Имено, денеска во 08:24 часот во СВР Охрид е пријавено дека во неговиот дом на улицата „Нада Филева“ во Охрид, без знаци на живот бил пронајден К.М.(76) од Охрид.
На местото на настанот извршен е увид од надлежен јавен обвинител и полициски екипи, а лекар од Итната медицинска помош констатира смрт по што, по наредба на јавен обвинител, телото е предадено за обдукција, истакнаа од полицијата.
По целосно расчистување на случајот против Ж.Г. ќе биде поднесена соодветна пријава.
Деск
