Музичката сцена во регионот повторно зборува за големиот успех на младиот изведувач Јаков Јозиновиќ, кој продолжува да реди импресивни резултати во Сава Центар.
По девет последователно распродадени концерти, Јозиновиќ закажа и десетти настап, кој бил распродаден за помалку од десет минути. Со овој резултат, младиот пејач го надмина рекордот што со години го држеше Здравко Чолиќ.
Имено, Чолиќ во 1998 година распродал девет концерти по ред во истата сала, а Јозиновиќ сега го достигна и надмина тој успех со десеттиот концерт во низа.
Сепак, апсолутниот рекорд во Сава Центар и понатаму останува недостижен.
Лепа Брена и групата Слатки грех сè уште се најголеми рекордери со дури 17 последователно распродадени концерти од осумдесеттите години.
Успехот на Јаков Јозиновиќ уште еднаш покажува дека новата генерација музички ѕвезди сè посилно го освојува регионот.
М.К.
