Полициски службеници од ОВР Кавадарци вчера во 17:35 часот го лишиле од слобода Ј.Л. (26) од Кавадарци, по пријава дека се самозадоволувал во возило на паркинг простор пред малолетно девојче.
Според информациите од полицијата, 26-годишна кавадарчанка пријавила дека мажот извршувал непристојни дејствија пред нејзината малолетна ќерка. По пријавата, полициски службеници веднаш презеле мерки и активности, по што лицето било приведено и задржано во полициска станица.
За случајот бил известен јавен обвинител, како и Центарот за социјални работи во Кавадарци. Надлежните институции работат на целосно расчистување и документирање на настанот.
По завршување на постапката, против приведениот ќе биде поднесена соодветна пријава.
Деск
