Македонскиот тим постигна забележителен успех на Балканската математичка олимпијада, која годинава се одржа во Солун, освојувајќи вкупно три медали.
Дамјан Давков освои златен медал, додека Ивано Божиновски и Андреј Тасиќ се закитија со бронзени одличја, со што ја потврдија својата висока математичка подготвеност на регионално ниво.
Во составот на националниот тим учествуваа и Марко Митевски, Леонид Тодороски и Валентино Атанасоски, кои исто така придонесоа за добриот настап на Македонија.
Организацијата на учеството ја спроведе Сојуз на математичарите на Македонија, институција која е задолжена за организирање на националните натпревари и за координација на македонските тимови на меѓународните математички олимпијади.
Балканската математичка олимпијада претставува едно од најзначајните регионални натпреварувања за средношколци со високи достигнувања по математика, каде учесниците решаваат сложени проблеми од различни области на дисциплината.
Деск
